"Qareginlə görüşməyi özümə yaraşdırmıram"
Dərc olunub:
6-06-2025, 10:16
"Erməni Qriqoryan kilsəsinin rəhbəri II Qareginlə görüş nəzərdə tutulmayıb. Açığı desəm, onunla görüşməyi özümə yaraşdırmıram".
Avrasiya.net xəbər verir ki, bunu Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə Təzəpir məscidində qılınan bayram namazından sonra jurnalistlərə açıqlamasında deyib.
“Qaregin demək olar ki, dini sifətdən savayı siyasi sifətə bürünüb. Din adamının bu qədər siyasətə qoşulması onun aqibətini gətirib bu yerlərə çıxarıb. Ona görə də hələlik belə bir fikir yoxdur”, - deyə o qeyd edib.
