“Dənli-taxıl və Texniki bitkilərin zərəvericiləri” adlı kitab işıq üzü görüb

Bitki Mühafizə və Texniki Bitkilər ETİ-nin gənc əməkdaşları ilə daha bir uğura imza atılıb.
Bakıda 300 tirajla nəşr edilən “Dənli-taxıl və Texniki bitkilərin zərəvericiləri” adlı kitab işıq üzü görüb. Kitab rəngli fotoşəkillər də daxil olmaqla 192 səhifədən ibarətdir.

İnstitutun direktoru, professor İbrahim Cəfərov sosial səhifəsində qeyd edib ki, kitab aqronomluq istiqaməti üzrə təhsil alan bakalavr və magistrantlar, doktorantlar, mütəxəssislər, müəllimlər və fermerlər üçün nəzərdə tutulub:

"Nəzərə almaq lazımdır ki, zərərli həşəratlardan bəhs edən “Kənd təsərrüfatı entomologiyası” kitabı 1986- cı ildə yazıldığından mənəvə cəhətdən də köhnəlib. Biz yazdığımız kitabı mərhum akademik Siddiqə Rza qızı Məmmədovanın əziz xatirəsinə ithaf etmişik.
Bundan əvvəl isə 2024- cü ildə “Bitkilərin xəstəlikləri, onların idarə edilməsi”, “ Meyvə bitkilərinin zərərvericiləri”, “ Tərəvəz bitkilərinin zərərvericiləri” “ Əkinçilik və bitkiçiliyin əsasları” kitablarımız işıq üzü görüb.

Zəhməti keçən hər kəsə təşəkkürlər, dəyərli gənclər, mən Sizlərlə qürur duyuram!"