Mətbuat Şurasına üzv KİV-lərin sayı 297-ə çatdı

Ötən gün Mətbuat Şurasının növbəti iclasında müzakirəsi aparılan məsələlərdən biri də quruma yeni üzvlərin qəbulu ilə bağlı olub. Şuranın sədri Rəşad Məcid məlumat verib ki, Şuraya üzv olmaq niyyətini bildirən çoxsaylı media orqanları var və onların seçimində digər prinsiplərlə yanaşı, Media Reyestrində qeydiyyata alınma da başlıca şərt kimi götürülür.

Müzakirələrdən sonra “Bakivaxtı.az”, “Valyuta.az”, “Fanat.az”, “Dogru.az” saytları və “Füyuzat” dərgisi Mətbuat Şurasının üzvlüyünə qəbul edilib. Bununla da Mətbuat Şurasına üzv təşkilatların sayı 297 olub.

Şuradan Modern.az-ın sorğusuna cavab olaraq bildirlib ki, hazırda qurumun üzvlərindən 28-i gündəlik qəzet, 61-i həftəlik və aylıq qəzet, 19-u informasiya agentliyi və jurnalist təşkilatları, 50-si jurnallar, 39-u bölgə nəşrləri, 81-i isə xəbər saytlarıdır.

İdarə Heyətinin növbəti iclaslarında namizəd media qurumlarının da üzvlük müraciətlərinə baxılacaq.