Oğlunun ölümünə dözməyən ata intihar etdi
Dərc olunub:
22-04-2025, 12:41
Zərdab rayonunda intihar hadisəsi baş verib.
Avrasiya.net Teleqraf-a istinadən xəbər verir ki, aprelin 21-də saat 13 radələrində 1960-cı il təvəllüdlü Pəhlivan Cavad oğlu Məmmədov yaşadığı Qoruqbağı kəndindəki evin həyətində özünü asıb.
Onun həyatını xilas etmək mümkün olmayıb.
Yaxınlarının bildirdiyinə görə, bir neçə il əvvəl Pəhlivan Məmmədovun hərbi xidmətdən qayıdan oğlu Kürdə boğularaq vəfat edib. Həmin vaxtdan P.Məmmədov sarsıntı yaşayıb.
İntihar fakt ilə bağlı rayon prokurorluğu araşdırma aparır.
