502 şəxs Azərbaycandan deport edildi

Son üç ay ərzində miqrasiya qanunvericiliyini pozan 502 əcnəbi Azərbaycandan deport edilib və ölkəyə girişləri qanunla müəyyən edilmiş müddətə məhdudlaşdırılıb.

Dövlət Miqrasiya Xidmətindən (DMX) Avrasiya.net-ə verilən məlumata görə, digər əcnəbilərin ölkə ərazisində yaşamalarının qanuniləşdirilməsi və ya ölkəni könüllü tərk etmələri təmin olunub.

Həmçinin qeyd olunub ki, əcnəbi və vətəndaşlığı olmayan şəxslərin ölkədə olma, yaşama, işə cəlb olunma qaydaları və digər müvafiq inzibati hüquqpozmalarla bağlı 2025-ci ilin birinci rübündə ümumilikdə 4 min 366 qərar qəbul edilib.