Naxçıvanda arvadını asıb öldürən kişi həbs olundu

Naxçıvanda arvadını öldürməkdə şübhəli bilinən şəxs barəsində həbs qətimkan tədbiri seçilib.

Avrasiya.net APA-ya istinadla xəbər verir ki, Sədərək rayon sakini, 25yaşlı Aytac İbrahimlinin yaşadığı evdə özünü asaraq intihar etməsi barədə hüquq-mühafizə orqanlarının araşdırmaları nəticəsində saxlanılan 33 yaşlı Azər İbrahimli barədə bu gün Sədərək rayon məhkəməsində 4 aylıq həbs-qəti imkan tədbiri seçilib.

Qeyd edək ki, hadisə Sədərək rayon Sədərək kəndində baş verib. Polis və prokurorluq əməkdaşlarının apardığı araşdırmalardan sonra Azər İbrahimlinin ailə münaqişəsi zəminində həyat yoldaşına xəsarət yetirdikdən sonra, tavandan asaraq öldürməsi müəyyən olunub. O, şübhəli şəxs qismində saxlanılaraq, istintaqa təhvil verilib.

Hazırda faktla bağlı Sədərək rayon prokurorluğunda Cinayət Məcəlləsinin müvafiq maddəsi ilə cinayət işi başlanıb, istintaq davam etdirilir.

Qeyd edək ki, 25 yaşlı Aytac İbrahimli iki uşaq anası olub və o, Ağcabədi rayon sakinidir.