TGT-nin İdarə heyəti ilə görüş keçirilib

Dövlət Gömrük Komitəsinin Aademiyasında Tələbə Gənclər Təşkilatının İdarə heyəti ilə görüş keçirilib. TGT-nin illik fəaliyyətinin nəzərdən keçirilməsi, İdarə heyətinin qarşısında duran məsələlərin müzakirəsi məqsədilə təşkil edilən görüşdə Akademiyanın rəhbərliyi, əməkdaşları və TGT-nin İdarə heyətinin üzvləri iştirak ediblər.

İclasda Akademiyanın rəisi, gömrük xidməti general-mayoru Qulu Novruzov çıxış edərək TGT-nin fəaliyyətinin effektiv şəkildə təşkil edilməsi, tələbələrin sosial fəaliyyətlərə cəlb edilməsi üçün Akademiyada yaradılan şərait haqqında bəhs edib. Akademiya rəisi tələbələrin asudə vaxtlarının səmərəli təşkili, gənclərin dünyagörüşlərinin, xarici dil biliklərinin artırılması istiqamətində müvafiq tövsiyələrini verib. Qulu Novruzov tələbə gənclərin Akademiyanın çoxşaxəli fəaliyyətinə töhfələrinin davamlı olacağına əminliyini bildirərək onlara uğurlar arzulayıb.

Daha sonra Tələbə Gənclər Təşkilatının sədri Osman Muşəyev TGT-nin fəaliyyəti haqqında illik hesabatı iştirakçıların nəzərinə çatdırıb.

Sonda tələbələrin sualları cavablandırılıb, təklifləri qeydə alınıb.