Azərbaycanda 6 dini icmanın qeydiyyatı ləğv olunub
Dərc olunub:
12-03-2025, 12:17
Azərbaycanda mövcud olan dini ibadətgahların sayı məlum olub.
Hazırda ölkə ərazisində 2377 məscid, 16 kilsə, 7 sinaqoq, 23 xristian dua evi, 1 bəhai, 1 krişna ibadətgahı fəaliyyət göstərir.
Dini Qurumlarla İş üzrə Dövlət Komitəsində qeydiyyatdan keçmiş dini qurumların sayı 1003-ə çatıb, onların 957-si İslam, 27-si xristian, 8-i yəhudi, 2-si bəhai, 1-i krişna şüuru dini icması tərəfindən təsis olunub.
2024-cü ildə 1 dini icma qeydiyyata alınıb, 6 dini icmanın qeydiyyatı ləğv olunub.
Dini Qurumlarla İş üzrə Dövlət Komitəsi 2024-cü ildə İslam dininə aid ibadət yerlərinə və ziyarətgahlara təyin olunmuş 59 din xadiminin attestasiyasını aparıb. Nəticədə onlardan 46-sı vəzifəsinə uyğun hesab olunub.
