17 yaşlı yeniyetmə parkda anasını bıçaqladı

Göygöldə bıçaqlanma hadisəsi baş verib.

Avrasiya.net xəbər verir ki, hadisə rayonda yerləşən parkların birində qeydə alınıb.

1989-cu il təvəllüdlü S.Nəsibova bıçaq xəsarəti ilə xəstəxanaya yerləşdirilib. Qadın dərhal əməliyyat edilib, vəziyyətinin orta ağır olduğu bildirilir.

Daxili İşlər Nazirliyinin Gəncə regional qrupundan verilən məlumata görə, polis əməkdaşlarının keçirdikləri müvafiq tədbirlər nəticəsində hadisəni törətməkdə şübhəli bilinən oğlu 2007-ci il təvəllüdlü R.Yusibov saxlanılaraq istintaqa təhvil verilib.

Faktla bağlı araşdırma aparılır.