Ana südü ilə qidalanmanın üstünlükləri - QHT-nin layihəsi davam edir - FOTO/ VİDEO

“Uşaqların Gələcəyi Naminə” İctimai Birliyi Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə "Uşaqların və anaların gələcək sağlamlığı - ana südü" layihəsi çərçivəsində Səs.tv-də pediatr və psixoloqun iştirakı ilə veriliş hazırlayıb.

Avrasiya.net xəbər verir ki, verilişin qonaqları olan Pediatr Aytən İsmayılzadə və "Sabaha Ümidlə" Psixoloji Dəstək İB-nin sədri, psixoloq Nərminə Cəfərova ana südünü faydlarından bəhs ediblər.

Qeyd olunub ki, ana südü körpə üçün ən ideal qidadır, çünki o, körpəni lazım olan bütün qida maddələri ilə təmin edir. Buna görə də döşlə qidalanma ən dəyərli qidalandırma üsuludur. O körpəni bütün infeksiyalardan, eləcə də allergiyadan qoruyur və ana –uşaq münasibətini stimullaşdırır.

Mütəxəssislər onu da vurğulayıblar ki, ana südü tərkibindəki balanslaşdırılmış komponentlərin, hormonların, müxtəlif boy faktorlarının, çoxlu miqdarda bioloji aktiv maddələrin və müdafiə faktorlarının (immunoqlobulinlər, fermentlər) olmasına görə körpələrin boyümə və inkişafı üçün ideal qidadır. Ana südü həmçinin ananın sağlamlığı üçün vacib olan reproduktiv prosesin bir hissəsidir.

Daha sonra mütəxəssislər mövzu ətrafında digər sualları da cavablandırıblar.