Bakıdan rayona toya getdi, hoteldə öldü
Dərc olunub:
27-06-2023, 10:06
Oğuzda yerləşən oteldə ölüm hadisəsi baş verib.
Avrasiya.net xəbər verir ki, hadisə Oguz şəhər ərazisində yerləşən "Səma" oteldə qeydə alınıb.
Belə ki, Bakı şəhəri Yasamal rayon sakini 1966-ci il təvəllüdlü Quliyev Sübhan Ağakişi oğlu bu gün səhər oteldə ürəktutmasından vəfat edib.
Məlumata görə, 57 yaşlı S.Quliyev Bakıdan Oğuza toy şənliyində iştirak etmək üçün gəlib. Toydan çıxıb oteldə qalarkən özünü pis hiss edib. Gecə saatlarında hətta ona Təcili Tibbi Yardım çağrılaraq iynə də vurulub. Bu gün səhər otel əməkdaşları onu otağında ölmüş vəziyyətdə aşkar ediblər.
Faktla bağlı araşdırma aparılır.
