Çöhrəqanlının Bakıya gəlişinə icazə verilmədi
Dərc olunub:
2-05-2023, 12:34
Ötən gün Bakıya gəlmək üçün yola çıxan Mahmudəli Çöhrəqanlı ABŞ-da Türk Hava Yollarının təyyarəsinə buraxılmayıb.
Bu barədə Axar.az-a Mahmudəli Çöhrəqanlının yaxınları məlumat verib.
Bildirilib ki, onun Türkiyəyə girişi də yasaq olduğu üçün Türk Hava Yolları ilə uçmasına izn verilməyib. M.Çöhrəqanlıya deyilib ki, onun Türkiyə ərazisindən tranzit kimi istifadə edə bilməsi üçün Bakıdan rəsmi dəvətinin olması və onu təqdim etməsi vacibdir.
Bu səbəbdən M.Çöhrəqanlı təyyarəyə minə bilməyib və hava limanından geri qayıdıb.
Qeyd edək ki, M.Çöhrəqanlı 1 mayda Bakıya gələcəyini bildirmişdi və təyyarə bileti aldığını da nümayiş etdirmişdi.
