Prokurorluq xadimənin dəhşətli ölümü ilə bağlı MƏLUMAT YAYDI
Dərc olunub:
29-12-2022, 10:05
Baş Prokurorluq xadimənin ətçəkən mikserə düşərək ölməsilə bağlı məlumat yyaıb.
Qurumdan Avrasiya.net-ə verilən məlumata görə, faktla bağlı cinayət işi açılıb.
"Qaradağ rayonu ərazisində yerləşən ət kəsim sexlərindən birində xadimə işləyən 1982-ci il təvəllüdlü Rəqsanə Pirməmmədovanın elektrik mikserini təmizləyən zaman qurğunun hərəkətə gəlməsi nəticəsində qurğunun hissələri arasında qalaraq aldığı xəsarətlərdən hadisə yerində ölməsi faktı ilə bağlı rayon prokurorluğunda Cinayət Məcəlləsinin 162.2-ci maddəsi ilə cinayət işi başlanıb. Hazırda iş üzrə istintaq davam edir", - rəsmi məlumatda bildirilib.
