100-ə yaxın şəhid ailəsinə və qaziyə bayram sovqatları verilib
31 Dekabr Dünya Azərbaycanlılarının Həmrəylik Günü və yeni ilin gəlişi münasibətilə "Dayaq Vətən Müharibəsi Əlillərinə və Şəhid Ailələrinə Dəstək Təşkilatı"nın təşkilatcılığı və "Benilüks Azərbaycanlıları Konqresi"nin Prezidenti Elsəvər Məmmədovun, "Konar İnşaat"ın Direktoru Cahangir İsmayılzadənin tərəfdaşlığı çərçivəsində Bakı şəhərində ümumilikdə 100-ə yaxın şəhid ailəsini və vətən müharibəsi qazilərini əhatə edən bayram sovqatları verildi.
Dövlətimizin ərazi bütövlüyü və suverenliyi uğrunda gedən döyüşlərdə iştirak erədərək qəhrəmanlıq göstərən şəhidlərimizi yad etmək, onların ailələrinə maddi və mənəvi dəstək olmaq, Azərbaycanın ərazi bütövlüyü uğrunda gedən döyüşlərdə sağlamlığının bir qismini itirən qazilərimizə diqqət və qayğı göstərmək hər birimizin borcudur.
