TALIBOVUN EVİ QORUMASIZ BURAXILDI - Qarovul postu ləğv olundu
Naxçıvan Muxtar Respublikası (MR) Ali Məclisinin sədri Vasif Talıbovun yaşadığı evin polislər tərəfindən qorunmasına son qoyulub.
Bu barədə “Ovqat.com” saytının baş redaktoru Heydər Oğuz “feysbuk” səhifəsində məlumat yayıb.
“Vasif Talıbovun malikanəsi indiyədək 9 polis tərəfindən növbəli şəkildə mühafizə olunurdu. Hər 2 gündən bir 3 polis əməkdaşı növbə dəyişirdi. Lap Leninin meyiti Kremldəki mavzoleydə qorunan kimi” -deyə, o əlavə edib.
Baş redaktor qeyd edir ki, evin qarovulçuları dünən Naxçıvan şəhər Polis İdarəsinin Post Partul Xidmətinə çağırılıb və onlara qanuni iş yerlərinə qayıtmaları barədə göstəriş verilib.
Onun sözlərinə görə, polis əməkdaşlarının heyrətinə səbəb olan əmr Post Patrul Xidmətinin komandiri Hümbət Allahverdiyev tərəfindən verilib.