DİN və DSX əməliyyat keçirdi: İran vətəndaşları saxlanıldı
Dərc olunub:
10-12-2022, 11:20
Daxili İşlər Nazirliyi və Dövlət Sərhəd Xidməti əməkdaşlarının birgə həyata keçirdikləri əməliyyat tədbirləri nəticəsində dekabrın 9-u gecə saat 22 radələrində İran İslam Respublikasının Germi şəhərinin sakinləri Bədəli Reza İsa oğlu və Qafarzadə Mehdi Murtaza oğlu saxlanılıblar.
Bu barədə Avrasiya.net-ə DİN-in Mətbuat Xidmətindən məlumat verilib.
Onların üzərində olan bağlamaya baxış keçirilərkən 5 kiloqram marixuana, 360 ədəd psixotrop maddə olan pregabiox həbi, 100 ədəd actopentin həbi, 60 qram kokain və 1 ədəd bıçaq aşkar edilərək götürülüb.
Faktla əlaqədar müvafiq araşdırmalar aparılır.
