"Dayaq" rəhbərliyi Avropada işgüzar səfərdədir
"Dayaq" Vətən Müharibəsi Əlillərinə və Şəhid Ailələrinə Dəstək Təşkilatının rəhbərliyi Avropada işgüzar səfərdədir.
Səfər çərçivəsində Avropada fəaliyyət göstərən "Benilüks" Azərbaycanlıları Konqresinin prezidenti Elsevər Məmmədov ilə görüş keçirilmişdir.
Görüşdə "Dayaq" Təşkilatının sədri Qalib Əliyev, hüquq məsələləri üzrə sədr müavini Məcid Məmmədov, hüquq departamentinin rəhbəri Azərbaycan Vəkillər Kollegiyasının üzvü Vüsal Səfərov, "Gənclərin İnkişafına Dəstək" İctimai Birliyinin sədri Məhəmməd Məmmədov iştirak etmişdir.
"Dayaq" Təşkilatının sədri Qalib Əliyev tərəfindən "Benilüks" Azərbaycanlıları Konqresinin prezidenti Elsevər Məmmədova üzərində Ali Baş Komandan İlham Əliyevin fotosu təsvir edilmiş xalça təqdim edilmişdir. Bununla yanaşı Niderland Krallığında fəaliyyət göstərən "Ana Vətən" Avropa Azərbaycanlı Qadınlar Birliyinin sədri Mayisə Ağamirzəyevə "Dayaq" Təşkilatının xüsusi həddiyələri təqdim edilmişdir.
Eyni zamanda "Bünilüks" Azərbaycanlıları Konqresi tərəfindən 10 dekabr İnsan Hüquqları Günü münasibətilə hüquq sahəsində uğurlu fəaliyyətlərinə görə "Dayaq" Təşkilatının hüquqi məsələlər üzrə sədr müavini Məcid Məmmədov və hüquq departamentinin rəhbəri, Azərbaycan Vəkillər Kollegiyasının üzvü Vüsal Səfərov Fəxri Fərmanla təltif edildi.
Görüş zamanı birgə əməkdaşlıq, gələcək perspektivlər və imkanlar haqqında geniş müzakirə edilmişdir.