AXCP fəalı alimentə görə SAXLANILIB
Dərc olunub:
26-10-2022, 11:30
AXCP fəalı Ramid Nağıyevin 24 oktyabr tarixində keçirilmiş aksiyada iştirak etdiyinə görə həbs olunması barədə iddialar yayılıb.
İddialara cavab olaraq DİN Mətbuat Xidmətinin əməkdaşı, polis leytenantı İbrahim Əmiraslanlı bildirib ki, Ramid Nağıyev aksiyada iştirakına görə saxlanılmayıb.
"Ramid Nağıyev probasiya xidmətinin təqdimatı əsasında üzərində olan aliment öhdəliyindən yayındığı üçün məhkəmə qərarı ilə 7 gün müddətinə barəsində inzibati həbs tətbiq edilib. Onun saxlanılmasında siyasi motiv yoxdur", - DİN rəsmisi məsələyə aydınlıq gətirib.
