Direktora etiraz edilən məktəbdə araşdırma aparılıb

Ötən gün sosial mediada və xəbər saytlarında Şəki rayon Cəfərabad kənd tam orta məktəbinin müəllimlərinin məktəb direktoruna etiraz edərək dərsə girməməsi ilə bağlı görüntü yayımlanıb.

Şəki-Zaqatala Regional Təhsil İdarəsindən APA-ya verilən açıqlamaya görə, Regional Təhsil İdarəsinin əməkdaşları tərəfindən məktəbdə müvafiq araşdırma aparılıb. Araşdırmanın nəticəsi barədə məlumat veriləcək.

Qeyd edək ki, hazırda müəllimlər tədrisə davam edir.