Azərbaycan Gənc Könüllülər akademiyasının bir illik fəaliyyəti

Azərbaycan Gənc Könüllülər akademiyası artıq bir ildir ki, fəaliyyət göstərir.

Bəs bu bir il ərzində fəaliyətimiz nədən ibarət olub?

Doğma Vətən torpağını qoruyan, canından, qanından keçməyə hazır olub, Vətənin azadlığı uğrunda Şəhid olan qəhrəmanlarımızın əziz xatirələrini yad etmək, onları gələcək nəsillərə tanıtmaq, gənclərimizin Vətənpərvər ruhda böyüməsi məqsədi ilə davamlı olaraq onlayn görüşlər həyata keçirirdik.

Görüşlərimiz sadəcə onlayn platforma üzərindən deyil, Şəhidlərimizin ailəsini ziyarət edərək canlı formada da baş tutmuşdur.

Akademiya Şəhid ailələrini yad etmək məqsədi ilə təşkil olunan görüşlərlə fəaliyyətə başladı və getdikcə müxtəlif mövzularda vebinarları əhatə etmişdir.
Bir il ərzində 100-ə yaxın layihə irəli sürülmüş, 300-ə yaxın görüşümüz baş tutmuşdur.

Bu günə qədər 100-lərlə gəncin iştirak etdiyi 300-ə yaxın müxtəlif mövzularda görüşlərimiz baş tutmuşdur.
1 avqust 2022-ci ildə platfomamızın 1 yaşını qeyd etmək məqsədi ilə Azərbaycan Gənc Könüllülər akademiyasının könüllüləri ilə birlikdə Quba-Qusar rayonuna ekskursiya təşkil olundu.

Ekskursiya zamanı ilk ziyarətimiz Quba Şəhidlər Xiyabanını ziyarət etdik. Ekskursiya zamanı Azərbaycan Gənc Könüllülər akademiyasının rəhbəri Sövdum Cahangirzadə bir il müddətində Könüllülərin fəaliyyətindən bəhs edərək, fəaliyyət zamanı göstərdikləri fəallığı dəyərləndirərək, rəhbərlik tərəfindən təltif olundular. Gənc Könüllülərimizin asudə vaxtının səmərəli keçirilməsi üçün Quba - Qusar rayonuna ekskursiya təşkil olunaraq, Hərbi Vətənpərvərlik mövzusunda bir sıra yarışlar keçirildi.
Ekskursiyanın sonunda, iştirakdan məmnun qalan, Könüllülərimiz rəhbərliyə öz səmimi diləklərini və təşəkkürlərini bildirdilər.

Sonda isə ekskursiyamız Xudayar təsnifi ilə yekunlaşdı.