Karta 180 min yığıldı, Zaur bir qəpik də yardım etmədi
Dərc olunub:
4-07-2022, 01:14
“Azad Azərbaycan” telekanalında yayımlanan "Bizimləsən" layihəsi və aparıcı Zaur Baxşəliyevdən şikayət var.
Avrasiya.net Bakupost.az-a istinadla xəbər verir ki, şikayətçi Rəmziyyə Cəfərova adlı hərbçi xanımı olub.
4 övladı olduğunu, 2 uşağının isə ürək qüsurlu doğulduğunu bildirən çarəsiz ana sözügedən verilişə kömək üçün üz tutub. Ona uşaqlarının əməliyyatı üçün 75 min manat pul lazım olub.
Lakin qadının dediyinə görə, Zaur Baxşəliyev ona efirdə 150 min lazım olduğunu deməyini tapşırıb.
"Mən razı olmadım. Daha sonra bizi efirə buraxdı. Bir neçə ailə üçün bir karta pul yığılmasına razılıq verdik. Karta 180 min manat pul yığıldı. Amma bizə köməklik edilmədi", - deyə qadın bildirib.
