“TEKNOFEST Azərbaycan”da investorlar layihələrə maraq göstərəcəklər”

“TEKNOFEST Azərbaycan” festivalında iştirak komandaların gələcəkdə şirkət, texnologiya istehsalçısı kimi formalaşmasına imkan verəcək".

Bunu jurnalistlərə açıqlamasında rəqəmsal inkişaf və nəqliyyat naziri Rəşad Nəbiyev deyib.

Nazir bildirib ki, 4 gün ərzində komandalar öz layihələri üzərində işləyəcəklər.

Onun sözlərinə görə, festivalda təmsil olunan investorlar bu layihələrə maraq göstərəcəklər.

R.Nəbiyev əlavə edib ki, “Teknofest”də dünyanın 25 ölkəsindən 50-dən çox komanda və minlərlə iştirakçı təmsil olunur.