MHP sədri Mehriban Əliyevanı təbrik edib
Bu gün Azərbaycanın Birinci vitse-prezidenti Mehriban Əliyevanın doğum günüdür.
Mehriban Əliyeva ölkəmizin həm ictimai-siyasi həyatında, həm də humanitar sahələrdə, o cümlədən mədəni həyatımızda mühüm rol oynayan siyasi xadim kimi özünü təsdiqləyib.
Adətən birinci xanımların fəaliyyəti və şəxsiyyəti əksər qadınlar üçün örnək olur. Bu mənada, Azərbaycanın birinci xanımınının da çoxşaxəli və səmərəli fəaliyyəti bütün qadınlar üçün parlaq nümunədir. İstər birinci vitse-prezident kimi, istərsə də birinci xanım kimi Mehriban Əliyevanın geniş ictimai-siyasi fəaliyyəti bütövlükdə dünya səviyyəsində Azərbaycan qadınlarının nümunəvi obrazının formalaşmasında əvəzsiz rol oynayır.
Mən həm öz adımdan, həm də Milli Həmrəylik Partiyasının çoxsaylı üzvləri adından Mehriban xanımı doğum günü münasibətilə ürəkdən təbrik edir, ona və Prezident İlham Əliyevə işğaldan azad edilmiş torpaqlarımızın bərpası və yenidən qurulması işlərində, Azərbaycanın böyük hədəfləri yolunda uğurlar diləyir, möhkəm cansağlığı və bərəkətli ömür arzu edirəm!
Hörmətlə,
Əlisahib Hüseynov,
Milli Həmrəylik Partiyasının sədri