Rusiya öz qırıcısının vurulmasını istəyirdi, çünki... - Şok plan
Dərc olunub:
22-09-2025, 09:19
Rusiyanın “MiQ-31” qırıcılarının Estoniya hava məkanını pozması Rusiya tərəfindən planlaşdırılmış əməliyyat olub.
Bunu Ukrayna Silahlı Qüvvələrinin Quru Qoşunlarının Ehtiyat Şurasının sədri İvan Timoçko deyib.
"Rusiya NATO üzvü olan Estoniyanın təyyarələri vuracağına ümid edərək pilotları “kamikadze” kimi göndərib.
Qırıcılar bütün vaxt ərzində Rusiya-Estoniya sərhədi boyunca uçub, hava hücumundan müdafiə sistemi işlək olsaydı, onların Rusiya ərazisinə qayıtmaq imkanı olardı. Ruslar təxribat törətmək istəyib ki, guya bir NATO ölkəsi Rusiya ərazisində Rusiya təyyarələrini vurub",- o bildirib.
Qeyd edək ki, bir neçə gün öncə Rusiyaya məxsus “MiQ-31”lər Estoniya hava sərhədini pozmuşdu.
