Rusiya Azərbaycana təşəkkür etdi
Dərc olunub:
14-06-2025, 13:06
İrandan təxliyə olunmalı 88 nəfərdən 56-sı artıq Azərbaycanın ərazisindədir. Onların arasında rejissor Fyodor Bondarçuk və onun çəkiliş qrupunun üzvləri də var.
Bu barədə Rusiyanın Bakıdakı səfirliyi məlumat verib.
“Hazırda 88 nəfərdən 56-sı Azərbaycan Respublikasının ərazisindədir. Sərhəd keçidi davam edir”, – deyə səfirliyin mətbuat xidmətindən bildirilib.
Səfirlik Rusiya vətəndaşlarının təxliyəsi və onların oteldə yerləşdirilməsi üçün nəqliyyatın təşkili sahəsində göstərilən köməyə görə Azərbaycan tərəfinə təşəkkürünü bildirib.
