Rövşən Qurbanov həbs edildi
Dərc olunub:
29-05-2025, 11:15
Novosibirsk şəhərinin Zaeltsovski rayon məhkəməsi rüşvət almaqda şübhəli bilinən Rusiya Milli Qvardiyasının Novosibirsk vilayəti üzrə qeyri-departament mühafizə idarəsinin rəisi Rövşən Qurbanovu iki ay müddətinə həbs edib.
Bu barədə Rusiya mətbuatı məlumat dərc edib.
"Məhkəmə R.K.Qurbanov barəsində 2025-ci il iyulun 27-dək həbs qətimkan tədbiri seçib", - məlumatda qeyd olunub.
Rusiya İstintaq Komitəsinin məlumatına görə, təqsirləndirilən şəxs aprelin 30-da “Lemana PRO” ticarət mərkəzinin fövqəladə halların qarşısının alınması şöbəsinin müdirinə messencer vasitəsilə zəng edərək ondan 293 min rubldan çox dəyərində tikinti materialları şəklində rüşvət verməsini tələb edib.
