Kalmıkiyada azərbaycanlı tələbə Qərbi Azərbaycan haqqında çıxış edib
Dünən Rusiya Federasiyası Kalmıkiya Respublikasının Basan Qorodovikov adına Kalmıkiya Dövlət Universitetində "KalmQU - Xalqları birləşdirən dəyər " mövzusunda dəyirmi masa keçirilib.
Tədbirdə universitet rəsmiləri xarici tələbələr və rəsmi qonaqlar iştirak ediblər. Ali təhsil ocağının 2-ci kurs magistr tələbəsi Namiq Muradov, Qərbi Azərbaycan həqiqətləri haqqında tədbir iştirakçılarına məlumat verərək, ailəsinin və özünün deportasiya və qırğınların qurbanı olması haqqında danışlb. Namiq Muradov onuda qeyd etdi ki, 1988-ci ildə ailəsi öz ata-baba yurdları olan Zəngəzur mahalı Qafan rayonundan zorla deportasiya edilən zaman qatarda dünyaya göz açıb.
Hazırda Qərbi Azərbaycan məsələsinin insan haqları kontekstində beynəlxalq gündəmin ən önəmli məsələlərindən olduğunu bildirən qərbi azərbaycanlı gənc tələbə, Qayıdış Konsepsiyasının müddəları barədə də məlumat verib.
Azərbaycanın regiona sülh çağırışından, bu yolda sivil, müharibəsiz və heç bir ərazi iddiasının olmadığı mübarizə xəttindən danışıb.
