Ukraynalı aktyor və teleaparıcı öldürülüb
Dərc olunub:
15-05-2025, 07:42
Məşhur ukraynalı aktyor və teleaparıcı Maksım Nelipa xüsusi əməliyyat zonasında öldürülüb.
Avrasiya.net xəbər verir ki, bu barədə yerli “Strana” nəşri yazır.
Hadisə barədə mərhumun həyat yoldaşı məlumat verib. Qadının sözlərinə görə, Nelipa mayın 12-də döyüş tapşırığını yerinə yetirərkən həlak olub. Onun ölümünün təfərrüatları açıqlanmır. Nelipa Ukrayna Silahlı Qüvvələrinin sıralarına qoşulmazdan əvvəl “Dizel şousu”nun iştirakçısı olub. O, 2022-ci ilin martında döyüş bölgəsinə yola düşüb.
Daha əvvəl bildirilmişdi ki, xüsusi hərbi əməliyyat zamanı daha bir məşhur ukraynalı komediya ustası, “Standup” çağırış nişanı Dmitri Skripnik öldürülüb.
