"Ukrayna fürsəti qaçırılmamalıdır"

Ukraynada hərtərəfli atəşkəs sülh danışıqlarının başlanması üçün lazımi şərait yaradar; bu fürsət qaçırılmamalıdır.

Bunu Türkiyə prezidenti Rəcəb Tayyib Ərdoğan Vladimir Zelenski ilə telefon danışığında deyib.

Avrasiya.net xəbər verir ki, Rusiya mətbuatının yazdığına görə, Prezident Ərdoğan bildirib ki, hərtərəfli atəşkəs sülh danışıqlarının başlanması üçün lazımi şərait yaradacaq və fürsət qaçırılmamalıdır - Türkiyə liderinin ofisi onun sözlərini sitat gətirib.

Ərdoğan administrasiyası qeyd edib ki, prezident Moskva və Kiyevin birbaşa danışıqları bərpa etməyə çalışmasını “son dərəcə vacib hesab edir” və Ankara bu prosesin bütün mərhələlərində dəstək verməyə hazırdır. Ərdoğan əlavə edib ki, Rusiya və Ukrayna nümayəndə heyətlərini sülh danışıqları üçün Türkiyədə qəbul etməkdən şad olacaqlar.