"Zelenski özünü tələyə salıb"

Vladimir Zelenski Ukrayna ilə bağlı danışıqlar prosesində özünü tələyə salıb.

Avrasiya.net xəbər verir ki, bunu Almaniyanın “Berliner Zeitung” qəzetinə yazdığı məqalədə geosiyasi ekspert Nikolas Butilin deyib.

İndi geosiyasi reallıqlar ukraynalı siyasətçini elə vəziyyətə salıb ki, hər bir qərar baha başa gəlir, RİA Novosti Butilin istinadən bildirib.

Məqalə müəllifi yazır ki, Zelenski güvəndiyi hər kəsi itirib. ABŞ Ukraynaya hərbi yardımı kəsməklə hədələyir, Avropalı müttəfiqlər isə heç bir real addım atmadan yalnız yüksək səslə dəstəklərini bəyan edirlər.

Həmçinin, heç kim Kiyevin münaqişənin axarını öz xeyrinə çevirə biləcəyinə inanmır - , ekspert vurğulayıb.

Butilin qeyd edir ki, böyük ehtimalla Ukrayna üçün yaxşı sövdələşmə olmayacaq. Məsələ artıq Kiyevin güzəştə getməli olub-olmayacağı deyil, onların nə qədər böyük olacağıdır, deyə o yekunlaşdırıb.