Duda Rusiyanı beynəlxalq tribunalla hədələdi

Rusiyanın Ukraynadakı cinayətlərində soyqırım əlamətləri var və müharibəyə səbəb olanlar beynəlxalq tribunallarda cəzalandırılmalıdır.

Axar.az xəbər verir ki, bunu Polşa Prezidenti Andjey Duda videomüraciətində bildirib.

"Bütün Ukrayna kimi Kiyev də azad dünya üçün ümumi dəyərlərimizin, azadlığın, suverenliyin və demokratiyanın müdafiəsinin simvoluna çevrilib. Artıq bir həftədir ki, Ukrayna işğalçılara qarşı müqavimət göstərir, bunun üçün ən yüksək qiyməti ödəyir. Yaşayış binalarına, məktəblərə və xəstəxanalara hücum edilir, rus qoşunlarının çoxsaylı hücumlarında soyqırım əlamətləri var. İnanıram ki, onlar cəzasız qalmayacaqlar. Günahkarlar buna görə beynəlxalq tribunallarda cavab verəcəklər”, - Duda bildirib.