İranda 50 deputat koronavirusa yoluxub
Dərc olunub:
5-02-2022, 09:11
İranda koronavirusa yoluxan deputatların sayı 50 nəfərə çatıb.
Modern.az xəbər verir ki, Qum, Kirmanşah və Əliabaddan seçilən daha 3 deputatın virusa yoluxduğu müəyyən edilib. Bununla da qonşu ölkədə COVID-19 aşkarlanan deputatların sayı 50-yə yüksəlib.
Qeyd edək ki, daha öncə İran parlamentinin 120 deputatından koronavirusa qarşı test götürülüb. Onlardan 47 nəfərin nəticəsi müsbət çıxıb. Bu səbəbdən parlament bir necə günlük iclasları təxirə salıb.