Qərb Ukraynanı dron müharibəsinə hazırlayır

Qərb ölkələri Ukraynada gələcəkdə zirehli texnika və helikopter kimi bir çox silah növlərini əvəz edə biləcək genişmiqyaslı pilotsuz təyyarə müharibəsini sınaqdan keçirir.

Avrasiya.net xəbər verir ki, bu fikri TASS-a hərbi ekspert Vitali Kiselev bildirib.

"Qərb bilir ki, qarşıda quruda, havada, dənizdə və su altında fəaliyyət göstərə bilən pilotsuz sistemlərə əsaslanacaq və bu gün istifadə olunan imkanları üstələyən gələcək müharibələr gözləyir. Çox güman ki, yaxın gələcəkdə tanklar və piyadaların döyüş maşınları kimi silah növlərinin istifadəsi arxa plana, hətta üçüncü sıraya keçəcək.

Onlardan keçid məntəqələri və digər istehkamlar yaratmaq üçün istifadə oluna bilər. Bu, faktiki olaraq dronlarla əvəzlənmiş helikopterlərə də aiddir”, - Kiselev bildirib.

Onun fikrincə, məhz buna görə Qərb ölkələri Rusiyanın dinc şəhərlərinə hücum edən və dinc sakinləri öldürən PUA-ları Ukraynaya irimiqyaslı tədarük edir. “Aİ ölkələri Ukraynanı sınaqdan keçirilən böyük miqdarda silahla təchiz edib və şübhəsiz ki, onlar münaqişənin daha da genişlənməsinə hazırlaşırlar”, - Kiselev əlavə edib.

Ekspert qeyd edib ki, xüsusi hərbi əməliyyat zamanı təkcə Avrozona ölkələri deyil, Hindistan və Çin də döyüş əməliyyatları təcrübəsini, o cümlədən PUA-ların istifadəsi, hücum əməliyyatlarının aparılması, rabitə sistemlərinin təşkili və bölmələrin idarə olunması təcrübəsini ətraflı öyrənir.