ABŞ və İran Omanda asanlıqla razılığa gələ bilər
Vaşinqtonun tək tələbi Tehranın nüvə silahı istehsalını dayandırması olsa, ABŞ və İran Oman danışıqlarında asanlıqla razılığa gələ bilər.
Bunu İran Xarici işlər nazirinin siyasi məsələlər üzrə müavini Məcid Taxt-Rəvançi Serbiya Radio və Televiziyasına müsahibəsində deyib.
"Amerikalılar deyirlər ki, İran nüvə silahına malik olmamalıdır. Biz təkidlə təkrar edirik ki, nüvə silahı bizim üçün maraqlı deyil. Beləliklə, amerikalıların yeganə tələbi İranın nüvə silahına malik olmamasıdırsa, bizim yeni razılaşmamız olacaq", - deyə Taxt-Rəvançi qeyd edib.
İranlı diplomatın sözlərinə görə, Omandakı danışıqların bütün iştirakçılarının “siyasi iradəsi” olsa, o zaman yeni razılaşma əldə etmək mümkündür: “Lakin əgər kimsə danışıqlara başqa şeylər qatmaq və bununla da işi çətinləşdirmək istəsə, biz buna nail ola bilməyəcəyik”.
