Nümayəndələr Omanda görüşəcəklər
Dərc olunub:
8-04-2025, 07:12
Vaşinqton və Tehran aprelin 12-də Omanda dolayı danışıqlar aparacaq.
Avrasiya.net xəbər verir ki, u barədə İslam Respublikasının Xarici İşlər Nazirliyinin rəhbəri Abbas Əraqçinin X hesabında yazıb.
O yazıb ki, İran və ABŞ yüksək səviyyəli dolayı danışıqlar üçün şənbə günü Omanda görüşəcək: "Bu, təkcə fürsət deyil, həm də çağırışdır. Top Amerika meydançasındadır”.
Martın 7-də Tramp İranın ali dini lideri Ayətullah Əli Xameneiyə nüvə danışıqları təklifi ilə bağlı mesaj göndərdiyini bildirib. Tehran Vaşinqtonla birbaşa dialoqdan imtina etdi, lakin vasitəçilər vasitəsilə məsləhətləşmələrin davam etdirilməsi imkanlarına icazə verdi.
