Ağ Ev niyə dörd ölkəyə qarşı rüsum tətbiqindən imtina edib?
Dərc olunub:
3-04-2025, 11:58
ABŞ prezidenti Donald Tramp Rusiya, Belarus, Kuba və Şimali Koreyadan gələn mallara ticarət rüsumları tətbiq etməyib, çünki bu ölkələr artıq Amerika sanksiyaları altındadır.
Bu barədə Ağ Evin mətbuat katibi Caroline Leavitt Axios-a məlumat verib.
Onun sözlərinə görə, bu dörd ölkəyə qarşı hazırkı sanksiyalar kifayət qədər sərtdir; əlavə ticarət məhdudiyyətlərinin tətbiqi hazırda nəzərdən keçirilmir. Bununla belə, o əlavə edib ki, Rusiya hələ də gələcəkdə “əlavə sərt sanksiyalarla” üzləşə bilər.
Həmçinin, Kanada və Meksika yeni məhdudiyyətlərə məruz qalmadı, çünki Birləşmiş Ştatlar əvvəllər onlara qarşı 25%-lik ayrıca rüsumlar tətbiq etmişdi, sözçü təsdiqləyib.
