Ərəb ölkələri İrana hücumla bağlı ABŞ-yə xəbərdarlıq edib

Səudiyyə Ərəbistanı, Qətər və Küveyt ABŞ-nin İrana hücum etmək üçün öz hava bazalarından istifadə etməsinə icazə verməyəcəkləri barədə gizli şəkildə Tehrana məlumat veriblər.

Səudiyyə Ərəbistanı və Küveyt İran rəsmilərinə bildiriblər ki, qadağaya həm də yanacaq doldurma və ya ABŞ kəşfiyyat təyyarələrinin belə bir hücumu dəstəkləyən hər hansı bir missiyada iştirakı kimi dəstək əməliyyatları da daxildir.

Bəzi siyasi analitiklər bunu ABŞ-nin “B-2A Spirit” bombardmançı təyyarələrini çoxlu sayda dəstək təyyarələri ilə birlikdə Hind okeanındakı Dieqo Qarsiya aviabazasına daşıması ilə əlaqələndirirlər.