Tramp komandasında yeni “Gmail” qalmaqalı - Məxfi materiallar paylaşılıb
ABŞ Prezidenti Donald Trampın milli təhlükəsizlik üzrə müşaviri Mayk Vals və komandasının şəxsi “Gmail” hesabları vasitəsilə rəsmi yazışmalar etdiyi məlum olub.
Bu barədə “Washington Post” qəzeti adı açıqlanmayan ABŞ rəsmilərinə istinadla məlumat yayıb.
Məlumata görə, Valsın baş köməkçilərindən biri şəxsi “Gmail” hesabından istifadə edərək həssas hərbi məlumatları və qabaqcıl silah sistemləri haqqında texniki detalları digər dövlət qurumlarındakı həmkarları ilə paylaşıb.
Bu barədə Milli Təhlükəsizlik Şurasının sözçüsü Brayan Huqes verdiyi açıqlamada Valsın heç vaxt şəxsi e-poçt və ya təhlükəsiz platformalar vasitəsilə məxfi material göndərmədiyini deyib.
Milli təhlükəsizlik ekspertləri xəbərdarlıq ediblər ki, şəxsi e-poçt xidmətləri xarici müşahidə və kiberhücumlar üçün ciddi risk yaradır.
