"Putinin razılığa gəlməsini istəyirəm”
ABŞ administrasiyası Rusiyanın Ukrayna böhranının həlli üçün razılığa gəlməsini istəyir.
Amerika lideri Donald Tramp Rusiya neftinə qarşı ikinci dərəcəli məhdudlaşdırıcı tədbirlərin tətbiqinin mümkünlüyü ilə bağlı sualı belə cavablandırıb.
“Xeyr, mən onun (Rusiya prezidenti Vladimir Putinin) razılığa gəlməsini istəyirəm”, – Tramp Ağ Evdə jurnalistlərin sualını cavablandırarkən deyib.
Bazar günü Tramp NBC News telekanalına verdiyi şərhdə Moskvanın Ukraynadakı münaqişənin sülh yolu ilə həlli ilə bağlı razılaşmaya razı olmadığı təqdirdə Rusiya neftinə qarşı ikinci dərəcəli məhdudlaşdırıcı tədbirlər tətbiq edəcəyini bildirib. "Belə görünəcək: Rusiya neftini alsanız, ABŞ-da bizneslə məşğul ola bilməzsiniz. Bütün neftin rüsumları 25-50 faiz olacaq", - o qeyd edib.
