Rusiya NATO ölkəsinə hücum edəcək
Dərc olunub:
29-03-2025, 10:59
Almaniya kəşfiyyatı və ordusu Rusiyanın NATO ölkəsinə hücum edəcəyini iddia edib.
Publika.az xəbər verir ki, bununla bağlı Qərbi və Şimali Almaniya Yayım Korporasiyası, həmçinin “Süddeutsche” qəzeti birgə hesabat dərc edib.
Hesabatda Almaniya Xarici Kəşfiyyat Xidməti və Almaniya Silahlı Qüvvələri tərəfindən vəziyyətin qiymətləndirilməsi təhlili yer alıb.
Təhlildə Rusiyanın Avropa sülhü üçün davamlı təhdid olduğu və NATO ölkəsinə hücum edə biləcəyi iddia edilib.
Bildirilib ki, Rusiya özünü Qərblə sistemli qarşıdurmada görür və Kreml imperialist məqsədlərini hərbi güc yolu ilə reallaşdırmağa hazırdır.
Həmçinin Rusiyanın bir müddətdir Ukraynada güclü mövqedə hərəkət etdiyi, güzəştə getmək istəməsi ilə bağlı heç bir əlamət göstərmədiyi qeyd olunub
