Nazirlər razılığa gəliblər
Livan və Suriyanın müdafiə nazirləri Mişel Menasa və Murhaf Əbu Kasra birgə sərhəddə atəşkəs haqqında razılığa gəliblər.
Avrasiya.net xəbər verir ki, Respublika Müdafiə Nazirliyinin mətbuat xidmətindən verilən məlumata görə, Livan tərəfinin təşəbbüsü ilə hərbi idarə rəisləri arasında telefon danışığı olub.
"Mətndə qeyd olunur ki, saziş sərhədyanı ərazilərdə vəziyyəti sabitləşdirmək üçün iki tərəf arasında koordinasiya və əməkdaşlığın artırılmasını nəzərdə tutur. “Müdafiə Nazirliyinin rəhbəri general-mayor Mişel Menasa və onun suriyalı həmkarı Murhaf Əbu Kasra Livan ordusunun kəşfiyyat idarəsi ilə Suriya kəşfiyyatı arasında koordinasiya haqqında razılığa gəliblər”.
Nazirlər “sərhəddə vəziyyətin pisləşməsinin və günahsız mülki itkilərin qarşısını almaq üçün” birgə səylərin zəruriliyini vurğulayıblar.
