ABŞ-də edam cəzası güllələnmə yolu ilə icra edilib

ABŞ-ın Cənubi Karolina ştatında 15 ildən sonra ilk dəfə edam cəzası güllələnmə yolu ilə icra olunub.

“Report” xəbər verir ki, bu barədə “Associated Press” məlumat yayıb.

Edam edilən 67 yaşlı Bred Siqmon, 2021-ci ildə keçmiş sevgilisinin valideynlərini beysbol çubuğu ilə döyərək öldürüb və onu qaçırmağa cəhd edib.

Ştatda ölüm cəzasına məhkum edilən şəxslər edam hökmünün inyeksiya və ya elektrik stolu vasitəsilə icra olunmasını seçə bilərlər. Cani isə özü güllələnmə ilə edam cəzanı seçib.

Siqmonun ölüm vaxtı yerli vaxtla saat 18:08-də (Bakıvaxtı ilə 8 mart 03:08) qeydə alınıb. 1967-ci ildən bəri ABŞ-da yalnız üç nəfər bu şəkildə edam edilib. Hər üç hadisə Yuta ştatında qeydə alınıb.

Bizim WhatsApp