Macarıstanda Ukraynanın Aİ-yə daxil olması ilə bağlı referendum keçiriləcək
Macarıstan hakimiyyəti Ukraynanın Avropa İttifaqına daxil olması ilə bağlı referendum keçirəcək.
Bunu Macarıstanın baş naziri Viktor Orban Brüsseldə Aİ sammitinin sonunda jurnalistlərə açıqlamasında deyib.
“Düşünürəm ki, Ukraynanın Avropa İttifaqına üzvlüyü məsələsinə ciddi yanaşmaq lazımdır, indi bu məsələ ilə bağlı məsuliyyətli qərar qəbul etmək mümkün deyil və mən bu qərarın xalqın başı üzərindən verilməsini istəmirəm. Ona görə də mən belə qənaətə gəldim ki, biz Ukraynanın Avropa İttifaqına üzvlük məsələsi ilə bağlı səsverməyə başlayacağıq. Biz bunu milli məsləhətləşmələri necə aparırıqsa, elə də aparacağıq - tez və sadə”, - hökumət başçısı bildirib.
"Biz bilməliyik ki, Ukraynaya gələcək dəstək naminə nə qədər insan öz maraqlarını qurban verməyə hazırdır”, - Orban vurğulayıb.
