HƏMAS Qəzzaya nəzarəti verməyə hazırdır
HƏMAS siyasi hakimiyyəti və Qəzza zolağına inzibati nəzarəti Fələstin Milli Birlik Hökumətinə verməyə hazırdır, lakin müstəqil Fələstin dövləti yaradılmayınca tərksilah olmayacaq.
HƏMAS-ın yüksək səviyyəli siyasi rəsmisi Basem Naim NBC News-a bildirib.
"Biz idarəçilikdən uzaqlaşmağa və onu Qəzza zolağının idarə olunmasına hazır olan bir quruma, hökumətə və komitəyə təhvil verməyə hazırıq”, - deyə Naim bildirib.
HƏMAS və İsrail arasında kövrək razılaşmanın birinci mərhələsi şənbə günü başa çatmalıdır, lakin tərəflər arasında atəşkəsin davam etdirilməsi ilə bağlı heç bir razılıq əldə olunmayıb.
Cümə axşamı axşam saatlarında İsrailin baş naziri Benyamin Netanyahunun ofisi danışıqları davam etdirmək üçün tezliklə Qahirəyə diplomatik nümayəndə heyəti göndərəcəyini bildirib.
Naimin sözlərinə görə, bu açıq bəyanatdan başqa HƏMAS-a İsrailin danışıqları bərpa etmək niyyəti barədə rəsmi məlumat verilməyib.
