Cənubi Koreyada avtomobil yolu çöküb, ölənlər və yaralılar var

Cənubi Koreyada tikilməkdə olan avtomobil yolunun çökməsi nəticəsində azı 3 nəfər ölüb, 5 nəfər yaralanıb.

Bu barədə “Yonhap” xəbər agentliyi məlumat yayıb.

Məlumata görə, qəza səhər saat 9:50 radələrində (Bakı vaxtı ilə 04:50) Seuldan təxminən 80 kilometr cənubda, Seul-Sejonq ekspress yolunun bir hissəsinin tikintisində baş verib.

İşçilər konstruksiyaların altında olarkən 5 ədəd 50 metrlik polad tir dayaqlarından aşıb. Xilasedicilər dağıntılar arasından 8 nəfəri aşkar ediblər, onlardan 3-ü ölüb, qalan 5 nəfər isə xəsarətlə xəstəxanaya çatdırılıb.

Səlahiyyətlilər hadisə yerində axtarışları davam etdirmək üçün müvafiq xidmətləri səfərbər edib.