ADDF əməkdaşları Hollandiyada Azərbaycan icmasının üzvləri ilə görüş keçiriblər

“Azərbaycan Diasporasına Dəstək Fondu"nun (ADDF) əməkdaşları Hollandiyada fəaliyyət göstərən “Qarabağ İdman Klubu"nun ofisində Azərbaycan icmasının üzvləri ilə görüş keçiriblər.

Tədbirin təşkilatçıları “Beniluks Azərbaycanlıları Konqresinin (BAK)” və “Ana Vətən Avropa Qadınlar Birliyinin” rəhbərləri Elsevər Məmmədov və Mayisə Ağamirzəyeva Hollandiyada gördükləri işlər barədə qonaqlara geniş məlumat veriblər.

ADDF rəhbəri Əkrəm Abdullayev bu günə qədər Fondun gördüyü işlər barədə və gələcəkdə keçirəckləri layihələr haqqında tədbir iştirakçılarını məlumatlandırıb.

Xüsusəndə ADDF gənclərin keçirtmək istədikləri layihələrdə onlara dəstək olacaqlarını vurğulayıb.

Əslən Xocalıdan olan “Erməni Təcavüzünün Tanıdılması İctimai Birliyinin” sədri Səriyyə Cəfərova bu günə qədər “Xocalı” haqqında yazdığı kitablar və hazırladığı filmlər barədə icma üzvlərinə məlumat verib və “Qarabağ İdman Klubu"na Holland dilində cap olunmuş yeni kitablarını hədiyyə edib.