ABŞ-nin vitse-prezidenti Zelenskiyə xəbərdarlıq etdi
Ukrayna Prezidenti Volodimir Zelenskinin Prezident Donald Trampa ictimai şəkildə "palçıq atması" əks nəticə verəcək.
"DailyMail" xəbər verir ki, bunu ABŞ-nin vitse-prezidenti Ceyms Devid Vens deyib.
"Zelenski fikirləşir ki, Trampa mediada böhtan atsa, onun fikirlərini dəyişə biləcək. Ancaq prezidenti tanıyan hər kəs bilir ki, ona qarşı bu cür mübarizə aparmaq çox dəhşətli yoldur" - Vens bildirib.
O, Zelenskinin yeni administrasiya ilə necə davranacağı ilə bağlı “pis məsləhətlər” aldığını deyib.
"Biz açıq-aydın Ukrayna xalqını sevirik. Əsgərlərin şücaətinə heyranıq, lakin açıq-aydın inanırıq ki, bu müharibə tezliklə başa çatmalıdır", - o, əlavə edib.
"Bu, ABŞ prezidentinin siyasətidir və Rusiyanın dezinformasiyasına əsaslanmır. Bu, Donald Trampın güclü geosiyasi biliyinə söykənir", - Vens vurğulayıb.
