Almaniya Ukraynaya yeni hərbi yardım paketi göndərəcək
Almaniya Ukraynaya tərkibinə 56 ədəd MRAP zirehli maşını, IRIS-T SLM orta mənzilli sistem üçün raketlər, IRIS-T SLS kiçik mənzilli sistem üçün raketlər, 300 ədəd HF-1 hücum dronu daxil olan yeni hərbi yardım paketini təqdim edəcək.
APA xəbər verir ki, bu məlumat 17 fevralda Almaniya hökumətinin rəsmi saytında dərc edilmiş Ukrayna Silahlı Qüvvələrinə (SQ) verilən yardımla bağlı siyahıda yer alıb.
Bundan əlavə, paketə Leopard 1 tankları və Marder piyada döyüş maşınları üçün mərmilər, 41 min Gepard döyüş sursatı, 4 ədəd Zuzana 2 özüyeriyən artilleriya qurğusu, 50 min 155 millimetrlik top mərmisi və 2 min 122 millimetrlik mərmi daxil olacaq.
Siyahıda göstərilir ki, Almaniya ehtiyat hissələri ilə birlikdə Kiyevə 51 Vektor kəşfiyyat PUA-sı, 245 RQ-35 Heidrun kəşfiyyat PUA-sı, atıcı silahlar (tüfənglər, pulemyotlar və avtomatlar), döyüş sursatları, yun yorğanlar və sarğılar göndərəcək.
