Tramp Şahzadə Harrini ələ saldı
ABŞ Prezidenti Donald Tramp Şahzadə Harrinin ölkədən deportasiya edilməyəcəyini bəyan edib.
“Heritage Foundation” adlı mühafizəkar beyin mərkəzi Şahzadə Harrinin ABŞ vizası ilə bağlı sənədlərinin araşdırılmasını tələb edir.
Onlar iddia edirlər ki, Şahzadə Harri ya immiqrasiya sənədlərində yalan danışıb, ya da Bayden administrasiyası ona xüsusi güzəştlər edib.
Lakin D. Tramp bununla bağlı heç bir addım atmayacağını bildirib: “Mən onu rahat buraxacağam. Onun artıq həyat yoldaşı ilə kifayət qədər problemi var”,- deyə Prezident qeyd edib.
ABŞ Prezidenti daha əvvəl də Meqan Markl haqqında tənqidi fikirlər səsləndirib və Şahzadə Harrinin onun tərəfindən idarə olunduğunu deyib.
“Heritage Foundation”ın məhkəmədə irəli sürdüyü iddialar Şahzadə Harrinin “Spare” adlı memuarında yeniyetmə yaşlarında kokain və marixuanadan istifadə etdiyini etiraf etməsinə əsaslanır.
