USAID-in 10 min əməkdaşından 294-ü saxlanacaq
ABŞ prezidenti Donald Trampın administrasiyası Beynəlxalq İnkişaf Agentliyinin (USAID) 10 min əməkdaşından yalnız 294-nü saxlamaq niyyətindədir.
Xarici KİV xəbər verir ki, agentlikdə işlərini saxlayacaq 294 işçidən yalnız 12-si Afrika bürosunda, 8- isə Asiya bürosunda çalışacaq.
USAID-in Administratoru Bryan Atvood bunu qəbuledilməz adlandırıb və əlavə edib ki, ixtisar bütün dünyada on milyonlarla insana kömək edən agentliyi məhv edəcək.
ABŞ administrasiyasının məqsədi USAID-i Marko Rubionun rəhbərlik etdiyi ABŞ Dövlət Departamenti ilə birləşdirməkdir. Tramp artıq Rubionu USAİD-in müvəqqəti rəhbəri təyin edib.
Konqresin Tədqiqat Xidmətinin hesabatına görə, USAID-in 10.000 əməkdaşının üçdə ikisi ABŞ-dan kənarda işləyirdi. 2023-cü maliyyə ilində agentlik 130-a yaxın ölkəyə yardım göstərərək 40 milyard dollardan çox vəsait xərcləyib. Hesabata görə, USAİD-in yardımından ən çox faydalananlar Ukrayna, Efiopiya, İordaniya, Konqo Demokratik Respublikası, Somali, Yəmən və Əfqanıstan olub.
